سولف براحتك.والكتابة على سجل.
ملاحظات الاجتماعات والإملاء بالعربي والإنجليزي، على جهازك الماك. وبدون ما يدخل مكالمتك أي بوت.
ابدأ مجانًا · macOS 15 أو أحدث على أجهزة Apple silicon
اجتماعك من أوله لآخره
تقويمك يعلّم سجل وش الجاي.
اربط تقويم Google أو Outlook، وتلقى اجتماعات يومك في الرئيسية مع أسماء المدعوين. وقبل لا يبدأ الاجتماع بدقيقة، سجل يعرض عليك تسجّله.
اضغط تسجيل، ومحد ينضم غيركم.
سجل يسمع من جهازك، فالمكالمة تبقى بينك وبين فريقك بس. ويشتغل مع Google Meet وZoom وTeams وأي برنامج مكالمات ثاني.
سكّر المكالمة، والملاحظات جاهزة.
ملخص قصير، والقرارات، والمهام تحت اسم صاحبها. راجعها، وبعدين انسخها أو ارسلها بالإيميل أو برابط.
كل ملاحظة تقول لك من وين جات.
كل قرار وكل مهمة معها الدقيقة اللي انقالت فيها. اضغط على الوقت واسمع الكلام بصوت صاحبه.
أشّر على ملاحظة وشف وين انقالت.ويحفظ الشرائح بعد.
إذا أحد عرض شرائح بالمكالمة، اضغط زر الشاشة في شريط سجل. كل شريحة جديدة تنحفظ جنب الكلام اللي انقال عنها، فتعرف وش كان الكل يطالع لما انحسم القرار.
اسأل الاجتماع.
وش قررنا عن الإطلاق؟ مين ماسك قائمة الاختبار؟ سجل يجاوبك من نفس الاجتماع بس، ويوريك الكلام اللي اعتمد عليه. ويكتب لك تحديث الواتساب أو إيميل المتابعة بعد، وانت اللي ترسل.
تستخدم Claude أو ChatGPT؟ اربط سجل فيه، واسأل عن كل اجتماعاتك من هناك.
اضغط، تكلّم، ويكتب عنك.
اضغط مطوّل على Option + Space في أي برنامج، قلها مثل ما تقولها، وفك. سجل يشيل «امم» و«يعني» واللخبطة، ويكتب كلام مرتب مكان المؤشر.
- يشتغل في أي مكان تكتب فيه: الإيميل، والمحادثات، والمستندات، والمتصفح.
- عربي أو إنجليزي، أو الاثنين بنفس الجملة.
- الاختصارات: قل «رابط لينكدإن» ويطلع لك رابط حسابك.
مسوّى على طريقة كلامنا بالدوام.
بالاجتماعات نقلب بين العربي والإنجليزي بنص الجملة، وسجل يكتب كل كلمة باللغة اللي انقالت فيها. والبرنامج كله يشتغل بالعربي بعد، من اليمين لليسار، وتقدر تغيّر اللغة متى ما بغيت من الإعدادات.
اجتماعاتك تبقى لك.
إجابات واضحة عن وش يصير بكلامك.
ما فيه بوت بالمكالمة
سجل يسجّل من جهازك انت، وما يبدأ إلا إذا ضغطت تسجيل. محد يشوف ضيف زايد، فعلّم اللي معك إنك تسجّل، مثل أي جهاز تسجيل.
ما يطلع من جهازك إلا اللازم
الصوت يروح لخدمة تحوّله لنص، والنص يروح لنموذج لغة يطلّع منه الملاحظات. وصور شاشتك ما تطلع إلا إذا شغّلت «وصف صور الشاشة بالذكاء الاصطناعي».
انت اللي تحدد مين يقرا
ملاحظاتك لك. ورابط المشاركة يوري الملاحظات بس إلا إذا أضفت النص، ويوقف لما تنتهي مدته أو لما تلغيه.
الحذف يعني حذف
إذا حذفت اجتماع، ينمسح التسجيل والنص والملاحظات من سيرفرات سجل ومن جهازك.
عندك سؤال؟
تقدر تبدأ مجانًا. الخطة المجانية فيها 2,000 كلمة بالأسبوع للإملاء وتفريغ الاجتماعات، وخطة Pro بدون حد. التفاصيل في صفحة الأسعار.